Þróun og sérsvið íslenskrar félagsfræði

Abstract

Árið 2004 kom út safnritið Íslensk félagsfræði: Landnám alþjóðlegrar fræðigreinar (Þórodd[1]ur Bjarnason og Helgi Gunnlaugsson, 2004a). Formála bókarinnar ritaði Jóhannes Nordal (2004) fyrrverandi seðlabankastjóri sem fyrstur Íslendinga lauk doktorsprófi frá London School of Economics árið 1953.

Umtalsverðar breytingar hafa orðið á stöðu félagsfræðinnar hér á landi á þeim árum sem liðin eru frá útgáfu bókarinnar um íslenska félagsfræði. Sérstaklega má þar nefna umbyltingu framhaldsnáms í félagsfræði á Íslandi. Fyrsti meistaraneminn í félagsfræði útskrifaðist frá Háskóla Íslands árið 2002 og fyrsti doktorsneminn árið 2012. Í árslok 2017 höfðu alls um eitt hundrað nemendur lokið meistaranámi og sjö doktorsnámi í félagsfræði frá Háskóla Íslands. Félagsvísinda- og lagadeild Háskólans á Akureyri var stofnuð árið 2002 og er félagsfræðin þar ein helsta undirstaða náms í almennum félagsvísindum. Fyrsti nemandinn lauk rannsókna[1]tengdu meistaranámi vorið 2016 og á annan tug nemenda stundar nú slíkt nám við Háskólann á Akureyri. Haustið 2017 veitti mennta- og menningarmálaráðuneytið Háskólanum á Akur[1]eyri jafnframt viðurkenningu á námi í félagsfræði á doktorsstigi og mun félagsfræði verða ein helsta stoð þverfaglegs doktorsnáms í byggðafræði við háskólann.