„Beint flug er næs“

Svæðisbundin áhrif millilandaflugs frá Akureyri

Höfundar

  • Þóroddur Bjarnason
  • Jón Þorvaldur Heiðarsson
  • Guðný Rós Jónsdóttir

Lykilorð:

Millilandaflug; samfélagsáhrif; Norðurland.

Útdráttur

Flugsamgöngur hafa mikil áhrif á efnahagslega, pólitíska og menningarlega stöðu einstakra samfélaga. Á síðustu áratugum hefur fyrirkomulag flugs hefðbundinna flugfélaga um stóra tengiflugvelli skapað margvísleg sóknarfæri fyrir beint flug óhefðbundinna flugfélaga. Á Íslandi hefur millilandaflug um Keflavíkurflugvöll og rekstrarlíkan Icelandair valdið umtalsverðum ójöfnuði milli landshluta í aðgengi að utanlandsferðum og hvatt til opnunar fleiri gátta inn í landið. Hér er fjörutíu ára saga millilandaflugs um Akureyrarflugvöll rakin í ljósi þróunar farþegaflugs á Vesturlöndum og mat lagt á áhrif einstakra flugfélaga. Niðurstöður sýna að slíkt flug hefur dregið verulega úr ójöfnuði í utanlandsferðum og aukið lífsgæði íbúanna. Um þriðjungur Akureyringa ferðaðist milli landa með Niceair á tíu mánaða tímabili 2022–23 og flugið jók einnig lífsgæði þeirra sem ekki nýttu sér það. Annars staðar á Norðurlandi eystra stuðlaði flug Niceair einnig að auknum utanlandsferðum og hafði nokkur áhrif á lífsgæði en áhrifin voru lítil á Norðurlandi vestra og Austurlandi. Flug Niceair til Kaupmannahafnar og Tenerife sýndi að heimamarkaðurinn á Norðurlandi eystra getur staðið undir reglubundnu millilandaflugi allan ársins hring en ferðir erlendra ferðamanna eru nauðsynlegar til að tryggja ásættanlega sætanýtingu á öllum leggjum. Að lokum er lagt heildarmat á samfélagsleg áhrif og framtíðarhorfur millilandaflugs um Akureyrarflugvöll.

Um höfund (biographies)

Þóroddur Bjarnason

Prófessor við Háskólann á Akureyri.

Jón Þorvaldur Heiðarsson

Lektor við Háskólann á Akureyri.

Guðný Rós Jónsdóttir

Meistaranemi við Háskóla Íslands.

Niðurhal

Útgefið

20.12.2023

Hvernig skal vitna í

Bjarnason, Þóroddur, Heiðarsson, J. Þorvaldur, & Jónsdóttir, G. R. (2023). „Beint flug er næs“: Svæðisbundin áhrif millilandaflugs frá Akureyri. Íslenska þjóðfélagið, 14(2), 87–106. Sótt af https://ojs.hi.is/index.php/tf/article/view/3914

Mest lesnu greinar eftir sama höfund(a)

1 2 > >>