Ójöfnuður og makaval á Íslandi

Útdráttur

Í þessari grein er fjallað um tekjuójöfnuð og makaval á Íslandi á árunum 1981–2022 með því að nota skattagögn og menntaskrá Hagstofu Íslands. Þótt tekjuójöfnuður einstaklinga hafi haldist tiltölulega stöðugur hefur tekjuójöfnuður heimila og sambúðarfólks aukist. Á sama tímabili jókst makaval, þ.e. aukin tilhneiging fólks til að velja sér maka með svipaðar tekjur. Val á maka eftir menntun jókst einnig á heildina litið, þrátt fyrir að þróunin hafi verið mismunandi eftir menntunarstigi. Makaval einstaklinga með grunn- og framhaldsmenntun jókst en dróst saman meðal þeirra sem hafa háskólamenntun.