Terapeuten og vampyren. En læsning af Tove Ditlevsens roman Man gjorde et Barn Fortræd.

Útdráttur

Verk danska rithöfundarins Tove Ditlevsen (1917–1976) nutu mikilla vinsælda meðal lesenda sem annars létu bókmenntir sig litlu varða. Í þessari grein er fyrsta skáldsaga hennar Man gjorde et Barn Fortræd (Barni gert mein) frá árinu 1941 skoðuð og þá sérstaklega tengsl skáldskaparfræða og birtingarmynda kynjanna. Fyrst er athugað hvernig höfundur tvinnar saman frásagnaraðferðir sálgreiningar og sakamálasögunnar. Bæði þerapistinn og skúrkurinn eru staðlaðar karlmannsímyndir en kvenpersónan samþættir hlutverk þerapistans og leynilögreglumannsins í huga sér og það verður henni að vopni til að brjótast út úr skugganum sem hvílir yfir lífi hennar. Með því að beita aðferðum karlanna afhjúpar hún glæpinn, þá kynferðislegu misnotkun sem hún var beitt í æsku. Að lokum víkur skugginn og hún verður fær um að lifa innihaldsríku lífi sem kona.

Lykilorð: Tove Ditlevsen, söguþráður, kyn, kynferðisglæpur, sálgreining, leynilögreglusaga