Frá ritstjórum

Útdráttur

Íslenska þjóðfélagið hefur nú lokið áttunda útgáfuári sínu og í fyrsta sinn er tímaritið nú einungis gefið út rafrænt. Komið hefur á daginn að rafræn útgáfa hentar tímaritinu vel, ekki síst vegna þess að hún flýtir fyrir birtingarferlinu. Íslenska þjóðfélagið birtir núna allar greinar um leið og þær eru tilbúnar til útgáfu. Á árinu 2017 náðum við að gefa út eitt hefti með fjórum greinum, en auk þess birtist sérhefti í tilefni af 20 ára afmæli Félagsfræðingafélags Íslands. Á árinu fengum við send 13 handrit til umfjöllunar, þar af var sjö hafnað og fimm sett í ritrýniferli, en fjögur voru birt á árinu.