Starfsævinni að ljúka en eldmóðurinn sem aldrei fyrr
Hlín Helga Pálsdóttir grunnskólakennari
##plugins.pubIds.doi.readerDisplayName##:
https://doi.org/10.24270/serritnetla.2023.3Lykilorð:
náttúrufræðikennsla, teymiskennsla, útikennsla, virkt nám, kennsla yngri barnaÚtdráttur
Margir yngri barna kennarar hafa verið öflugir í kennslu og leitt breytingar á kennsluháttum. Einn þeirra er Hlín Helga Pálsdóttir sem kenndi bæði við Kennaraháskóla Íslands og Æfingaskólann, síðar Háteigsskóla. Í greininni verður greint frá rannsókn á starfi hennar síðasta árið sem hún starfaði sem kennari. Frásagnarrýni er notuð til að skrá niðurstöður rannsóknarinnar. Greinin er byggð á gögnum sem aflað var með viðtölum við Hlín, vettvangsathugunum og skrifum hennar um eigið nám og starf. Hlín lagði sérstaka áherslu á að þróa vinnubrögð í lestrarkennslu, útikennslu og teymiskennslu og notaði samstund og valsvæði sem leiðir til að koma til móts við fjölbreyttar þarfir nemenda. Náttúrufræðikennsla var henni sérstaklega hugleikin og þar lagði hún áherslu á virkni og þátttöku nemenda í eigin námi. Í greininni kemur fram hvernig Hlín hefur nýtt það sem hún kynntist í námi sínu við að þróa kennsluna og jafnframt byggt á reynslu og samstarfi við nemendur og samkennara. Frásagnir úr kennslustundum Hlínar sýna vel hvernig hún náði að skapa aðstæður fyrir börnin sem hún kenndi til að rannsaka umhverfi sitt, setja fram tilgátur og gera tilraunir til að kanna réttmæti þeirra. Þá hvatti hún þau til að ræða niðurstöður sínar og ígrunda það sem þau hefðu lært.
Niðurhal
Útgefið
Tölublað
Kafli
Leyfi
Copyright (c) 2023 Gunnhildur Óskarsdóttir
Greinar í tímaritinu eru gefnar út undir leyfinu (Creative Commons Attribution 4.0 International License).