Áhrif tónlistar í auglýsingum á vörumerkjavirði

Útdráttur

Framkvæmd var tilraun, með það að markmiði að kanna áhrif tónlistar í auglýsingum á vörumerkjavirði. Útvarpsauglýsing fyrir óþekkt vörumerki (orkudrykk sem er ekki á markaðnum á Íslandi) var útfærð á þrennan hátt. Undir tal auglýsingarinnar, sem var eins í öllum þremur tilvikum, var annars vegar sett frumsamið lag sem samsvaraði vörumerkinu, hins vegar lag sem samsvaraði því ekki og í þriðja tilfellinu var engin tónlist. Sama lag, en í mismunandi útsetningum, var notað í báðum tilraunahópum. Þvert á niðurstöður fyrri rannsókna benda niðurstöðurnar ekki til þess að aukin skynjuð samsvörun milli tónlistar og vörumerkis auki vörumerkjavirði.