Netla

Guðrún Geirsdóttir

Guðrún Geirsdóttir (gudgeirs@hi.is) er dósent í menntunarfræðum við Háskóla Íslands. Hún er jafnframt deildarstjóri Kennlsumiðstöðvar Háskóla Íslands. Rannsóknir hennar snúa að námskrárgerð, kennsluháttum og kennsluþróun á háskólastigi. Guðrún er með doktorspróf í menntunarfræðum frá Kennaraháskóla Íslands, M.Sc. í námskrárfræðum frá Pennsylvania State University og BA gráðu í uppeldisfræðum auk kennsluréttinda frá frá Háskóla Íslands.

Marco Solimene

Marco Solimene (mas18@hi.is) er með meistarapróf í félagsfræði frá La Sapienza háskóla í Róm, og lauk doktorsgráðu í mannfræði frá Háskóla Íslands 2014. Frá 1999 hefur hann unnið að etnógrafískum mannfræðirannsóknum með Róma-fólki á Ítalíu, Rúmeníu og Bosníu. Rit hans fjalla um hreyfingu og innflytjendamál, minni, óformleika, stjórnunartækni og andóf. Marco er stundakennari við Mannfræðideild Háskóla Íslands.

Ragna Kemp Haraldsdóttir

Ragna Kemp Haraldsdóttir (rh@hi.is) er lektor í upplýsingafræði með áherslu á upplýsinga- og skjalastjórn og rafræn samskipti við Háskóla Íslands. Í rannsóknum og kennslu hefur Ragna helst skoðað samverkan hins mannlega og hins tæknilega í stjórnun og miðlun upplýsinga. Ragna er með doktorspróf í upplýsingafræði, meistarapróf í stjórnun og miðlun upplýsinga frá Árósarháskóla og BA-gráðu í bókmenntafræði frá Háskóla Íslands.

Thamar Melanie Heijstra

Thamar Melanie Heijstra (thamar@hi.is) er dósent í félagsfræði við Félagsfræði-, mannfræði- og þjóðfræðideild Háskóla Íslands. Hún er með doktorsgráðu í félagsfræði frá Háskóla Íslands. Rannsóknir hennar og sérhæfing snúa að vinnumenningu, vinnuaðstæðum, samræmi vinnu og einkalífs, líðan og kynjajafnrétti.