Netla

Sandra Rebekka Önnudóttir Arnarsdóttir

Sandra Rebekka Önnudóttir Arnarsdóttir (sandra.arnarsdottir@unak.is) er sjónlistakennari við Giljaskóla á Akureyri. Hún brautskráðist frá Háskóla Íslands árið 2011 með B.Ed.-gráðu í kennslu með áherslu á myndlist. Síðar lauk hún þriggja ára diplómunámi frá Myndlistaskólanum á Akureyri. Sandra Rebekka lauk M.A.-gráðu árið 2014 með áherslu á sérkennslufræði. Hún hefur starfað sem sjónlistakennari síðan árið 2015 og sem stundakennari við Háskólann á Akureyri frá árinu 2017. Sandra Rebekka hefur einnig sinnt kennslu við Myndlistaskólann á Akureyri frá árinu 2016 sem og sinnt annarri kennslu. Einnig hefur hún tekið þátt í fjölda listsýninga sem og haldið sínar eigin. Hennar helstu áherslur í starfi eru listkennsla, notkun skapandi aðferða og tækni í kennslu, réttur nemenda til lýðræðislegar þátttöku í eigin námi og réttur barna til náms.

Hermína Gunnþórsdóttir

Hermína Gunnþórsdóttir (hermina@unak.is) er prófessor við Háskólann á Akureyri. Hún hefur B.A.-próf í íslensku og uppeldis- og kennslufræði frá Háskóla Íslands, meistarapróf frá Kennaraháskóla Íslands (2003) og doktorspróf frá Háskóla Íslands (2014). Hún hefur starfað við leik-, grunn- og framhaldsskóla. Helstu viðfangsefni hennar í kennslu og rannsóknum eru skóli og nám án aðgreiningar, fjölmenning og nám, félagslegt réttlæti í menntun, fötlunarfræði, menntastefna og framkvæmd hennar.

Jórunn Elídóttir

Jórunn Elídóttir (je@unak.is) er dósent við kennaradeild hug- og félagsvísindasviðs Háskólans á Akureyri. Hún er leikskólakennari, lærði sérkennslufræði í Noregi (1983– 1988) og lauk doktorsprófi í sérkennslufræðum frá Worcester University 2002. Hún var á árum áður leikskólasérkennari, sérkennari og sérkennsluráðgjafi í grunnskólum. Kennslu- og rannsóknarsvið hennar eru skóli án aðgreiningar, sérkennslufræði, leikskólafræði og málefni er varða ættleidd börn.