Pasolini e il dibattito sulla lingua. Una “questione” ancora attuale? A proposito di: Oronzo Parlangéli (a cura di), La nuova questione della lingua.

Stefano Rosatti

Útdráttur


„Nuove questioni linguistiche“ er heiti greinar eftir Pier Paolo Pasolini sem fyrst birtist árið 1964. Í greininni hélt Pasolini því fram að ítalska væri nú loksins fullburða þar sem 90% Ítala notuðu nokkurn veginn sama tungumálið í tjáskiptum. Þetta væru samt engin sérstök gleðitíðindi, þar sem þessi nýja ítalska væri mest undir áhrifum frá og stýrt af ákveðnum yfirstéttarhópum (iðjuhöldum Norður-Ítalíu) sem stefndu að yfirráðum yfir gervöllu samfélaginu, ekki aðeins með því að bjóða upp á neysluvöru heldur einnig með því að arðræna hina fyrrum fjölbreyttu hefðbundnu ítölsku tungu. 

Þessi ögrandi grein Pasolinis hratt af stað hástemmdri umræðu um ítalskt mál sem stóð árin 1964–1967. Ítalski málvísindamaðurinn Oronzo Parlangéli hefur safnað framlögum til þessarar umræðu í eina bók. Þessi grein er ritdómur um bók Parlangélis og sundurgreinir málflutning Pasolinis í ljósi framvindu ítalsks samfélags á liðnum árum, einkum er sjónum beint að nútímafjölmiðlum og samskiptatækni, sem hafa mun meiri áhrif á tungumálið nú en fyrir fimmtíu árum, en engu að síður tekst tungumálinu að verjast útbreiðslu falskrar tæknihyggju (sem auglýsingar breiða út) og tæknimáls (sem berst með forritunarmáli). 

Lykilorð: Pasolini, Parlangéli, tungumál, ítalska, tækni 


Efnisorð


Pasolini, Parlangéli, tungumál, ítalska, tækni

Heildartexti:

PDF (Italiano)

Baktilvísanir

  • Engar baktilvísanir