Í fótspor ferðalanga. Af ferðalýsingum Idu Pfeiffer og Inu von Grumbkow.

Oddný G. Sverrisdóttir

Útdráttur


Í greininni er fjallað um ferðalýsingar tveggja þýskumælandi kvenna, hinnar þýsku Inu von Grumbkow og hinnar austurrísku Idu Pfeiffer. Ida Pfeiffer ferðaðist um Ísland árið 1845 og skrifaði bókina Nordlandfahrt. Eine Reise nach Skandinavien und Island im Jahre 1845 að loknu ferðalaginu. Ina von Grumbkow kom til Íslands árið 1908, ári eftir að unnusti hennar Walther von Knebel og vinur hans Max Rudloff fórust í rannsóknarleiðangri í slysi í Öskjuvatni, til að leita ummerkja um afdrif unnusta síns. Bók hennar Ísafold. Bilder einer Islandreise kom út árið 1909 og hefur verið þýdd á íslensku. Í greininni er fjallað um lýsingar þeirra Inu von Grumbkow og Idu Pfeiffer á aðstæðum á Íslandi, lifnaðarháttum Íslendinga, húsakynnum og náttúru landsins eins og það kemur þeim fyrir sjónir. Einnig er fjallað stuttlega um viðbrögð Íslendinga við ólíkum lýsingum þeirra Idu Pfeiffer og Inu von Grumbkow og mikilvægi slíkra ferðalýsinga í menningartengdri ferðaþjónustu.

Lykilorð: Ida Pfeiffer, Ina von Grumbkow, menningartengd ferðaþjónusta, ferðalýsingar á þýsku


Heildartexti:

PDF

Baktilvísanir

  • Engar baktilvísanir