Skipulag fyrirtækja á Íslandi fyrir og eftir hrun

Höfundar

  • Runólfur Smári Steinþórsson
  • Anna Marín Þórarinsdóttir
  • Einar Svansson

##plugins.pubIds.doi.readerDisplayName##:

https://doi.org/10.24122/tve.a.2018.15.1.5

Lykilorð:

Organizational charts, divisional structure, functional structure, matrix structure.

Útdráttur

Viðfangsefni greinarinnar er þróun á skipulagi fyrirtækja á Íslandi fyrir og eftir fjármálahrunið árið 2008. Byggt er á rannsóknum í verkefninu Innform á Íslandi, annars vegar frá 2004 til 2007 og hins vegar frá 2010 til 2014. Einnig er gerður samanburður á milli fimm rannsókna sem gerðar hafa verið um skipulag fyrirtækja á Íslandi á árunum fyrir og eftir hrun. Markmið greinarinnar er að lýsa megineinkennum á stjórnskipulagi íslenskra fyrirtækja og gera grein fyrir þróun á skipulagi þeirra. Jafnframt er markmiðið að kanna hvort sjá megi breytingar á skipulagi íslenskra fyrirtækja eftir efnahagshrunið 2008 á ýmsum stjórnunarþáttum sem tengjast skipulagi. Helstu niðurstöður gefa vísbendingar um að stjórnskipulag íslenskra fyrirtækja hafi tekið nokkrum breytingum og að áhersla á innri ferla og skilvirkni sé meiri. Umboðsveiting hefur aukist og sú breyting tengist aukningu á fléttu- og verkefnaskipulagi. Rannsóknirnar sýna að flest stór íslensk fyrirtæki notast bæði við afurðaskipulag og starfaskipulag, sem gefur vísbendingu um blandað skipulag. Starfaskipulag er hins vegar ríkjandi skipulagsform þegar litið er til bæði smærri og stærri fyrirtækja. Það virðist hafa verið millibilsástand hjá fyrirtækjum á Íslandi varðandi stjórnskipulag fyrst eftir hrun þar sem áhersla æðstu stjórnenda á formlegt skipulag minnkaði tímabundið.

Um höfund (biographies)

Runólfur Smári Steinþórsson

Prófessor í stjórnun og stefnumótun við Viðskiptafræðideild Háskóla Íslands.

Anna Marín Þórarinsdóttir

Doktorsnemi við Viðskiptafræðideild Háskóla Íslands.

Einar Svansson

Lektor við Háskólann á Bifröst.

Niðurhal

Útgefið

26.06.2018

Tölublað

Kafli

Ritrýndar greinar